Job 21:1-34
21 Job akiri tënë, atene:
2 “Ala mä tënë ti mbi nzoni si,tongana ala mä mbi, a yeke dë bê ti mbi.
3 Ala kanga bê ti ala na ngoi so mbi yeke sara tënë;na pekoni ala lingbi ti he mbi senge.+
4 Mbi yeke dema terê ti mbi na mbeni zo?
Tongana a yeke tongaso, mbi yeke* kanga bê gbä.
5 Ala bâ mbi, na zia li ti ala akpe kue;ala gbu yanga ti ala.
6 Tongana mbi pensé na ndö ni, a sara mbi nzoni pëpenga terê ti mbi kue adö dongo.
7 Ndali ti nyen azo ti sioni angbâ ti te gigi,+ala yeke ga mbakoro nga ala wara mosoro?*+
8 Amolenge ti ala ayeke lakue na terê ti ala,na ala wara lege ti bâ ahale ti ala.
9 Ada ti ala aduti na siriri, mbeto asara ala pëpe,+nga Nzapa apunir ala na keke ti lo pëpe.
10 Akoli-bagara ti ala amanke ti zia ngo na yâ ti amama ni pëpe;amama ni ayeke dü, ngo ti ala ayeke tuku pëpe.
11 Gbâ ti amolenge ti ala amû loro na ngia,na ala huru na ngia.
12 Ala he bia na terê ti tambourin na harpe,na ala sara ngia na ngoi so flûte ayeke toto.+
13 Gigi ti ala anzere gï nzerengo na ala,ala gue na Dû ti kuâ* na siriri.*
14 Me ala tene na tâ Nzapa: ‘Zia e kpô!
E ye ti hinga lege ti mo pëpe.+
15 Lo so ngangu ti lo ahon angangu kue ayeke zo wa si e sara na lo?+
Tongana e hinga lo, nzoni ti nyen la e yeke wara?’+
16 Me mbi hinga so ala yeke na ngangu pëpe na ndö ti mosoro ti ala.+
Bibe ti azo ti sioni* ayeke yongoro na mbi.+
17 Lege oke la lampe ti azo ti sioni amingo?+
Lege oke la ye ti ngangu asi na ala?
Lege oke la Nzapa afuti ala na ngonzo ti lo?
18 Ala ga tongana asaleté ti peko ti alê ti kobe so pupu ahon na ni ape?wala tongana poro ti alê ti kobe so kota pupu ahon na ni ape?
19 Punition so Nzapa ayeke mû na mbeni zo, lo yeke bata ni ndali ti amolenge ti lo.
Zia Nzapa akiri peko ni na lo si lo hinga ni.+
20 Zia lê ti lo wani abâ futingo ti lo,na zia lo nyon kopo ti ngonzo ti Lo so ngangu ti lo ahon angangu kue.+
21 Tongana a kiri na wungo ti anze so lo yeke sara kete na peko,*ye so ayeke si na azo ti da ti lo na peko ti lo agbu bê ti lo?+
22 Zo alingbi ti fa hingango ndo na Nzapa?*+
Nzapa so ayeke fâ ngbanga même na li ti azo so ayeke na kota ndo.+
23 Mbeni zo akui na ngoi so lo ngbâ ngangu,+na ngoi so lo gi bê ti lo kete pëpe nga ye ti songo lo ayeke dä pëpe,+
24 na ngoi so cuisse ti lo ane na mafutanga abio ti lo akpengba nzoni.*
25 Me mbeni zo akui na yâ ti kota vundu;*lo hinga nzerengo ti gigi lâ oko pëpe.
26 Azo use so kue ayeke lango na yâ ti fuku ti sese,+na angusu ayeke mû terê ti ala kue.+
27 Bâ! Mbi hinga atënë ti bê ti alanga na aye ti sioni so ala leke ti sara na mbi.*+
28 Ala tene: ‘Da ti kota zo so ge so ayeke na ndo wa?
Tente so zo ti sioni alango na yâ ni so ayeke na ndo wa?’+
29 Ala hunda azo ti lege ape?
Aye* so azo ti lege ni abâ, ala gi ti manda ye dä ape?
30 so a yeke zia zo ti sioni yamba na lango ti ye ti ngangu,na so a yeke sö lo na lango ti ngonzo ti Nzapa.
31 Zo wa la ayeke fa na lo tâ na lê ti lo ye so lo sara?
Zo wa la ayeke kiri na lo peko ti ye so lo sara?
32 Tongana a yô lo a gue na lo na dû ti kuâ awe,mbeni zo ayeke sara sinziri na ndö ti cimetière ti lo.
33 Sese ti popo-hoto* so a lu lo dä ayeke nzere na lo,+na azo kue amû peko ti lo,*+legeoko tongana ti gbâ ti azo so ague dä kozo ti lo.
34 Tongaso, ndani nyen ti tene atënë so ayeke dë bê ti mbi ape?+
Gï atënë ti handa la ala yeke tene na mbi.”
Akete tënë na terê ni
^ Na Hébreu: “yingo ti mbi ayeke.”
^ Wala “ala ga ngangu?”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Wala “na yâ ti penze-ngbonga oko,” so ti tene ala kui gï hio tongaso, sân ti bâ pasi.
^ Wala “wango ti azo ti sioni; aye so azo ti sioni aleke ti sara na mayele.”
^ Wala “tongana a zi moitié ni.”
^ Wala “ti fa mbeni ye na Nzapa?”
^ Na Hébreu: “mafuta ti bio ti lo angbâ fini.”
^ Wala “na âme so ayeke na vundu mingi.”
^ A lingbi nga ti tene “ti sara ye ti ngangu na mbi.”
^ Na Hébreu: “Afä.”
^ Bâ na kete bakari.
^ Na Hébreu: “na lo yeke gboto azo kue na peko ti lo.”
