Job 23:1-17
23 Job akiri tënë, atene:
2 “Laso nga, mbi yeke ngbâ gï ti dema terê ti mbi;*+ngangu ti mbi ahunzi awe ndali ti demango ni.
3 Tâ tongana mbi hinga fade ndo so Nzapa aduti dä,+ka mbi yeke gue kâ.+
4 Mbi yeke fa tënë ti mbi na lo,nga mbi yeke tene gbâ ti tënë ti fa so mbi yeke na raison;
5 mbi yeke hinga tënë so lo yeke tene na mbi,na mbi yeke bata ye so lo tene.
6 Lo yeke mû kota ngangu ti lo ti tiri na mbi?
Ên-ën, lo yeke duti kpô ti mä mbi.+
7 Kâ, zo ti mbilimbili alingbi ti leke tënë na lo,na Juge ti mbi ayeke zi tënë na li ti mbi biani biani.
8 Me tongana mbi gue na mbage ti est, lo yeke kâ pëpe;na tongana mbi kiri, mbi lingbi ti wara lo pëpe.
9 Na ngoi so lo yeke sara kua na mbage ti wali, lê ti mbi atï na ndö ti lo pëpe;na pekoni lo tourné na mbage ti koli, kue mbi bâ lo pëpe.
10 Me lo, lo hinga lege so mbi mû ni.+
Tongana lo tara mbi awe, mbi yeke sigi tongana lor ti nzoni ni.+
11 Mbi mû tâ gï peko ti gere ti lo;mbi ngbâ gï na lege ti lo, mbi hon nde pëpe.+
12 Mbi hon nde pëpe na commandement so lo mû.
Mbi sara ye alingbi na tënë ti yanga ti lo+ même ahon ti so lo hunda.*
13 Tongana lo mû desizion ti sara mbeni ye, zo wa la akpa ti ke na lo?+
Tongana lo ye* ti sara mbeni ye, lo yeke sara ni.+
14 Aye kue so lo ye* ti sara na mbi, lo yeke sara ni,na aye ni so ayeke mingi.
15 Ndani la lo sara si mbi gi bê ti mbi mingi;tongana li ti mbi atï na ndö ti lo, mbeto agbu mbi ahon ti kozo.
16 Nzapa asara si bê ti mbi anze,na Lo so ngangu ti lo ahon angangu kue asara si mbeto asara mbi.
17 Ye oko, ade bingo akanga yanga ti mbi pëpe,atâa so bingo so avuko pitipiti akanga ndö ti lê ti mbi.
Akete tënë na terê ni
^ Wala “nyen na nyen mbi yeke dema gï terê ti mbi.”
^ Wala “lo fa na mbi ti sara.”
^ Wala “âme ti lo aye.”
^ Wala “fa.”
