Job 40:1-24
40 Jéhovah angbâ ti sara tënë na Job, atene:
2 “A yeke nzoni zo so agi ti bâ afaute so a sara adë gaba na Lo so ngangu ti lo ahon angangu kue?+
Zia zo so aye ti suku na Nzapa akiri tënë na hundango ndo so.”+
3 Job akiri tënë na Jéhovah, atene:
4 “Bâ! Mbi yeke ye oko pëpe.+
Tënë ti nyen la mbi yeke kiri na ni na mo?
Mbi gbu gï yanga ti mbi kpô-oo!+
5 Mbi sara tënë fani oko awe, me mbi yeke kiri ti sara tënë ande pëpe;Mbi sara tënë ti fani use ni, me mbi yeke zi yanga encore ape.”
6 Na pekoni, Jéhovah akiri tënë na Job na yâ ti kota pupu,+ lo tene:
7 “Pardon, leke terê ti mo tongana koli,Mbi yeke hunda mo, na mo yeke fa na mbi.+
8 Mo ye ti fa so mbi fâ ngbanga mbilimbili ape?*
Mo ye ti fâ ngbanga na li ti mbi ti fa so mbi sara ye na lege ni pëpe si a bâ so mo yeke na raison?+
9 Maboko ti mo ayeke ngangu mingi tongana ti tâ Nzapa?+
Wala go ti mo alingbi ti toto ngangu mingi tongana ti lo?+
10 Pardon, yü gloire na kota ndo na terê ti mo tongana ye ti baba;yü yango-iri nga na pendere.
11 Fa kota ngonzo ti mo na gigi,bi lê na ndö ti zo kue so ayeke na fandara nga sara si lo kiri kete.
12 Bi lê na ndö ti zo kue so ayeke na fandara nga sara si lo kiri kete,na mo tambela na ndö ti azo ti sioni na ndo so ala luti dä.
13 Honde ala kue na yâ ti fuku ti sese;kanga ala na kamba* na mbeni ndo so ahonde,
14 na pekoni, même mbi nga mbi yeke yeda*so maboko ti mo ti koli alingbi ti sö mo.
15 Bâ Béhémoth* la, so mbi sara lo tongana ti so mbi sara mo.
Lo yeke te pere tongana bagara.
16 Bâ ngangu so ayeke na yâ ti peko ti lo,nga na ngangu so ayeke na yâ ti nyama ti ndö ti yâ ti lo.
17 Lo yeke kpengba damba ti lo tongana keke ti cèdre;akamba ti terê ti bio ti cuisse ti lo ahon na ndö ti terê.
18 Abio ti lo ayeke atuyau ti cuivre;amembre ti lo ayeke tongana yongoro wen.
19 Na popo ti aye so Nzapa asara, lo la lo yeke na kozo ndo.*
Gï Zo so asara lo la alingbi ti ga nduru na lo na épée.
20 Ahoto asara si lo wara kobe;kâ la anyama ti ngonda kue ayeke sara ngia.
21 Lo yeke lango na gbe ti akeke ti lotus,lo honde terê ti lo na popo ti asosongo ti ndo so ngu aluti dä.
22 Akeke ti lotus ni amû na lo gbe ti dê;nga akeke ti peuplier ti popo-hoto* angoro terê ti lo kue.
23 Atâa tongana ngu asua na ngangu, lo gi bê ti lo pëpe.
Même tongana Ngu ti Jourdain+ asua na ngangu apika yanga ti lo, sanka ti lo.
24 Zo alingbi ti gbu lo na ngoi so lo yeke bâ ndo?
Wala zo alingbi ti kôro hôn ti lo na lê ti yango?*
Akete tënë na terê ni
^ Wala “Mo yeke sara si mbilimbili ti mbi aga ye oko ape?”
^ Na Hébreu: “kanga lê ti ala.”
^ Wala “gonda mo, mbi tene.”
^ Peut-être konô.
^ Na Hébreu: “lo la lo yeke tongo nda ni.”
^ Bâ na kete bakari.
^ Na Hébreu: “na mbeni kûkû.”
