Psaume 104:1-35
104 Zia mbi sepela* Jéhovah.+
Jéhovah Nzapa ti mbi, mo yeke kota mingi.+
Kota* ti mo nga na gloire ti mo amû terê ti mo kue tongana bongo.+
2 Mo yü lumière+ tongana bongo,mo gbara yâ ti yayu tongana ti so a gbara yâ ti bongo ti tente.+
3 Lo lu gere ti akeke ti da ti lo na yâ ti angu so ayeke na lê ti nduzu,+lo sara si ambinda aga puse ti mbarata ti lo,+lo yeke na ndö ti pupu si ayeke hon na lo.+
4 Lo sara a-ange ti lo ayingo,lo sara awakua ti lo mbeni wâ so agbi ye.+
5 Lo sara si sese aluti nzoni na ndö ti fondation ni;+a yeke bougé na place ni* lâ oko pëpe.+
6 Mo sara si angu so alï amû ndö ti sese kue tongana bongo.+Angu ni amene ahoto.
7 Tongana mo suku, angu ni akpe;+na ngoi so ala mä toto ti bekpa ti mo, ala kpe kirikiri
8 (ahoto akiri ayo na nduzu+ na apopo-hoto adescend na gbe ni)ti gue na place so mo leke ndali ti ala.
9 Mo fa mbeni ndo so angu ni adoit ti hon ni pëpe,+si ala kiri ala mû ndö ti sese encore ape.
10 Lo sara si ali ti ngu asigi na yâ ti apopo-hoto;*ala yeke sua na popo ti ahoto.
11 Grâce na ali ti ngu ni, anyama ti ngonda kue awara ngu ti nyongo ni;akororo ti ngonda anyon ni alingbi na nzara ti ala.
12 Andeke asara da ti ala na yâ ti akeke so ayeke na terê ti angu ni;ala yeke toto na yâ ti akugbe ti akeke ni so adü gbani.
13 Lo ngbâ na yâ ti da ti lo na nduzu kâ,+ lo tuku ngu na ndö ti ahoto.
Grâce na anzoni ye ti peko ti akusala ti mo, sese awara ye alingbi na lo.+
14 Lo sara si pere asigi ndali ti abagara,nga akugbe ti kasa ndali ti azo,+tongaso si kobe asigi na sese,
15 na vin so azia ngia na bê ti zo,+na mafuta so asara si lê ti zo aza penderenga mapa so asara si bê ti senge zo awara ngangu.+
16 Akeke ti Jéhovah awara ngu alingbi na ala,akeke ti cèdre ti Liban so lo lu ni awara ngu alingbi na ala,
17 na andeke asara da ti ala na yâ ni.Da ti cigogne+ ayeke na yâ ti akeke ti genévrier.
18 Ahoto so li ni ayo na nduzu ayeke ndali ti angasa ti hoto;+akota tênë ayeke ndo ti batango terê ti asibisi.*+
19 Lo sara nze ti fa angoi nde nde so a fa ni awe;lâ ahinga ngoi ti lindango ti lo nzoni.+
20 Mo sara si ndo avuko, na ndo aga bï,+ngoi so anyama ti ngonda kue ayeke fono.
21 Abamara so akono awe atoto ti wara nyama ti tengo ni,+nga ala gi kobe ti ala na maboko ti Nzapa.+
22 Tongana lâ asigi awe,ala gboto terê ti ala, ala kiri aduti na ndo ti lango ti ala.
23 Zo ague na kua ti lo,lo sara kua ngangu juska na lakui.
24 Jéhovah, akusala ti mo ayeke mingi!+
Mo sara ni kue na lege ti ndara.+
Sese asi singo na aye so mo sara.
25 Bâ kota ngu-ingo so alï nga lê ni akono mingi;aye so ayeke na fini so a lingbi ti diko wungo ni pëpe asi singo na yâ ni, akete ni na akota ni.+
26 Abateau ayeke hon na lê ni;Léviathan*+ so mo sara lo ti sara ngia na yâ ni.
27 Ala kue ayeke ku moti tene mo mû na ala kobe na ngoi so alingbi.+
28 Ye so mo mû na ala, ala bungbi ni.+
Tongana mo zi yâ ti maboko ti mo, ala wara anzoni ye alingbi na ala.+
29 Tongana mo honde lê ti mo, li ti ala aga kirikiri.
Tongana mo zi yingo ti ala, ala kui na ala kiri na fuku ti sese.+
30 Tongana mo tokua yingo ti mo, a créé ala,+na mo sara si lê ti sese akiri fini ni.
31 Gloire ti Jéhovah ayeke ngbâ lakue lakue.
Jéhovah ayeke duti na ngia ndali ti akusala ti lo.+
32 Lo bâ sese, na sese adö;lo ndu ahoto, na guru asigi na terê ni.+
33 Mbi yeke he bia na Jéhovah+ na yâ ti gigi ti mbi kue;mbi yeke he bia ti sepela* Nzapa ti mbi na ngoi kue so mbi ngbâ na fini.+
34 Zia si apensé ti mbi anzere na lo.*
Mbi yeke duti na ngia ndali ti Jéhovah.
35 Awasiokpari ayeke girisa na ndö ti sese;azo ti sioni ayeke duti dä encore ape.+
Zia mbi sepela* Jéhovah. Azo, ala sepela Jah!*
Akete tënë na terê ni
^ Wala “âme ti mbi asepela.”
^ Wala “Nengo.”
^ Wala “a yeke yengi.”
^ Bâ na kete bakari.
^ Wala “atopê, alélé.”
^ Bâ na kete bakari.
^ Wala “pika mozoko na.”
^ A lingbi nga ti tene “Zia si gbungo li ti mbi na ndö ti lo aduti ye so anzere.”
^ Wala “âme ti mbi.”
^ Wala “Alléluia!” “Jah” ayeke nduru iri ti Jéhovah.
