Psaume 127:1-5
Bia ti azo so ayeke monté. Psaume ti Salomon.
127 Tongana Jéhovah aleke da ni pëpe,a yeke gï senge senge la azo ti lekengo ni asara kua ngangu.+
Tongana Jéhovah abata gbata ni pëpe,+a yeke gï senge senge la garde ni asara sinziri na ndö ni.
2 A yeke gï senge senge la ala londo hio na ndapre,ala gue ti lango hio pëpenga ala pika li ti ala ti wara kobe,ndali ti so Nzapa la amû ye na azo so lo ye ala mingi, nga lo sara si ala lango nzoni.+
3 Bâ, amolenge-koli* ayeke héritage so Jéhovah amû na zo;+amolenge so zo adü ayeke mbeni futa.+
4 Amolenge-koli so zo adü na lâ ti maseka ti loayeke tongana alê ti kokora na maboko ti mbeni wangangu.+
5 Ngia ayeke na zo so alê ti kokora ti lo asi singo na yâ ti bozo ni.+
Kamene ayeke sara amolenge ni pëpe,ndali ti so ala yeke sara tënë na awato na yanga ti gbagba ti gbata ti ala.
Akete tënë na terê ni
^ Wala “amolenge.”
