Zacharie 13:1-9
13 “Na ngoi ni so, a yeke zi mbeni dû ti ngu na ahale ti David nga na azo ti Jérusalem ti tene ala zi na siokpari na terê ti ala nga ala zi sioni ye na terê ti ala.”+
2 Jéhovah ti aturugu atene: “Na ngoi ni so, mbi yeke futi ayanda na yâ ti kodro ni,+ nga azo ayeke dabe ti ala na ni encore ape. Mbi yeke zi nga na yâ ti kodro ni aprophète+ nga na ngangu ti asioni yingo.
3 Tongana mbeni zo akiri atene prophétie, babâ na mama ti lo so adü lo ayeke tene na lo, atene: ‘Mo yeke ngbâ ande pëpe ndali ti so mo tene amvene na iri ti Jéhovah.’ Babâ na mama ti lo so adü lo ayeke kpo lo afâ lo ndali ti so lo tene prophétie.+
4 “Na ngoi ni so, kamene ayeke gbu prophète oko oko kue ndali ti vision so lo bâ na ngoi so lo tene prophétie. Ala yeke yü pëpe bongo ti prophète so a sara na kuä ti terê ti nyama+ ti handa na azo.
5 Mbeni ayeke tene ande: ‘Mbi yeke prophète pëpe. Mbi yeke zo ti fango yaka, ndali ti so mbeni zo avo mbi ngbene ye so mbi de maseka.’
6 Tongana mbeni zo ahunda lo, atene: ‘Akä ti nyen la na terê ti mo so?’* Lo yeke tene: ‘Mbi wara akä ni so na da ti akamarade ti mbi.’”*
7 Jéhovah ti aturugu atene: “Épée, zingo mo gue na terê ti berger ti mbi,+gue na terê ti zo so ayeke kamarade ti mbi.
Dë berger ni,+ na zia anyama* ni akangbi kirikiri,+na mbi yeke tourné maboko ti mbi na terê ti azo so ayeke asenge zo.”
8 Jéhovah atene: “Na yâ ti kodro ni kue,a yeke fâ mingi ti azo;*gï kete wungo ti ala la ayeke ngbâ.
9 Legeoko tongana ti so a yeke zia lor na argent na yâ ti wâ ti zi saleté ni,mbi yeke zia si a tara azo so angbâtongaso si a zi sioni ye na terê ti ala.+
Ala yeke di iri ti mbi,na mbi yeke kiri tënë na ala.
Mbi yeke tene: ‘Azo so ayeke azo ti mbi,’+na ala yeke tene: ‘Jéhovah ayeke Nzapa ti e.’”
Akete tënë na terê ni
^ Na Hébreu: “na popo ti maboko ti mo?” So ti tene na kate wala na peko.
^ Wala “azo so aye mbi.”
^ Wala “ataba.”
^ Wala “mingi ti azo ayeke kui.”
