HUNDA 7
Bible afa nyen na ndö ti ngoi ti e?
“Mara ayeke londo na bira na terê ti mbeni mara, na royaume ayeke londo na bira na terê ti mbeni royaume . . . Aye so kue ayeke tongo nda ti aye ti vundu ni so akpa songo yâ so agbu wali so aye ti dü.”
“Aprophète ti wataka mingi ayeke londo, na ala yeke handa azo mingi; nga, so kpengo ndia pëpe ayeke wu mingi, ndoye ti mingi ti azo ni ayeke dë dengo.”
“Tongana ala yeke mä tënë ti abira so atï nduru na ala nga na ambeni so atï yongoro na ala, ala zia si mbeto ahon ndö ti ala pëpe; a lingbi aye ni so asi, me ade nda ni asi pëpe.”
“Sese ayeke yengi ngangu, nga na ando nde nde na peko ti terê, kota nzara ayeke tï nga asioni kobela so amû ndo. A yeke bâ aye so amû mbeto na zo nga na akota fä so alondo na yayu.”
“Na lâ ti nda ni, angoi ti akpale so ayeke ngangu na zo ti kanga bê na yâ ni ayeke duti dä, ngbanga ti so azo ayeke duti ande azo so andoye gï terê ti ala wani, azo so andoye nginza, azo so abâ terê ti ala kota na ndö ti amba ti ala, azo ti baba, azo ti zongango Nzapa nga na azo, azo so ake yanga ti ababâ na amama ti ala, azo so ahinga ti kiri singila pëpe, azo so ayeke abe-ta-zo pëpe, azo so aye amba ti ala zo pëpe, azo so aye ti mä terê na amba ti ala pëpe, azo ti pango amba ti ala, azo so akanga nzara ti bê ti ala pëpe, azo so ayeke asioni zo, azo so andoye nzoni ye pëpe, azo ti kango amba ti ala, azo so li ti ala akpengba, azo so wuma ti ala ahon ndö ni, azo so andoye ngia ahon ti ndoye Nzapa, ala yeke sara ye mo bâ mo tene ala voro Nzapa na bê ti ala kue, me ala ke ngangu so vorongo Nzapa na bê kue ayeke sara na ndö ti zo.”
