NDANI SO A YEKE KOTA YE: Ambeti oko oko kue so e yeke fa na ye na azo ayeke tokua azo na ndö ti jw.org. Biani, nda ti carte ti jw.org nga na tract Na ndo wa la a yeke kiri tënë na angangu hunda ti e? ayeke ti tokua azo na ndö ti site ti e. Mo lingbi ti sara kua na jw.org ti tokua na mbeni zo mbeni mbeti ti e so e yeke manda na Bible na azo; mo lingbi ti tokua ni na lege ti e-mail wala ti tokua lien ni na zo ni. A yeke nzoni ti sara tongaso mbilimbili tongana mo fa tënë na mbeni zo so ayeke tene mbeni yanga ti kodro nde. Na ndö ni, azo alingbi ti hunda atënë so a kiri tënë na ni awe na yâ ti ambeni mbeti so e yeke manda pëpe na Bible na azo. Tongana e lingbi ti sara kua na site ti e, e lingbi ti fa tënë nzoni mingi.

LEGE TI SARA NI:

• Sara kua na mbage “AYE SO BIBLE AFA”. Tara ti bâ so mo yeke fa tënë na mbeni babâ wala mama so aye ti hinga ye mingi na ndö ti batango amolenge. Gue na AYE SO BIBLE AFA > MARIAGE & SEWA.

• Sara kua na mbage “AMBETI TI E”. Tara ti bâ so mo yeke fa tënë na alege kue so azi na ekole na mo ye ti fa na mbeni mba ti mo brochure Akiringo tënë na ahunda 10 so amaseka ayeke hunda ka. Gue na AMBETI TI E > ABUKU & ABROCHURE.

• Sara kua na mbage “ASANGO NA NDO TI E”. Tara ti bâ so mo yeke fa tënë na mbeni mba ti mo ti place ti kua so aye ti diko mbeni nduru tënë na ndö ti aye so e mä na bê na ni. Gue na ASANGO NA NDO TI E > ATËNË SO AZO AYEKE HUNDA KA.

BÂ VIDÉO SARANGO KUA NA JW.ORG, NA PEKONI FA NDO WA LA MO YEKE GUE DÄ NA NDÖ TI SITE NI TI MÛ MABOKO:

• na mbeni zo so atene Nzapa ayeke dä ape

• na mbeni zo so ye ti ngangu alondo ti si na lo

• na mbeni ita so afa tënë encore ape

• na mbeni vizite so aye ti hinga tongana nyen la e yeke wara nginza ndali ti kua ti e

• na mbeni zo ti kodro-wande so aye ti gue na bungbi kâ na kodro ti lo