Ti londo na nze ti janvier 2016, na ndangba lembeti ti Tour ti Ba Ndo ti kangbingo ni a zia mbeni article so li ni ayeke “Bible atene ti lo nyen?” A sigigi na fini kode so ti mû maboko na e ti to nda ti alisoro na ndo ti Bible. A yeke tongana atract. Mo yeke wara mbeni hundango tënë so apusu zo ni ti fa bango ndo ti lo, mbeni versê ti Bible so akiri tënë na ni nga ambeni tënë so ala lingbi ti sara lisoro na ndo ni.

Mingi ni, apendere lisoro so aluti na ndo ti Bible ayeke sara si e manda Bible na azo. Sara kua na fini kode so ti mû maboko na azo so ayeke na nzara ti aye ti yingo.—Mt 5:6.

1. Hunda bango ndo ti zo ni na ndo ti mbeni oko ti ahundango tënë ni

2. Mä lo nga yeda na kiringo tënë ti lo ni

3. Diko versê so ayeke na gbe ti li ti tënë “Ye so Bible afa,” nga hunda zo ni ti fa pensé ti lo na ndo ti versê ni. Tongana lo yeke na ngoi, ngbâ ti sara lisoro ni, sara kua na tënë so ayeke na gbe ti li ti tënë “Ambeni ye wa la Bible afa na ndo ni?”

4. Mû na lo périodique ni

5. Leke ti kiri ti bâ zo ni na ti sara lisoro na ndo ti use hundango tënë ni