Ti to nda ni na ngu so, e yeke wara ngoi mingi ti leke terê ti e ndali ti dango bê na kuâ ti Christ. Tongana Mémorial atï na mbeni na lango ti yenga ni, a yeke sara Bungbi kusala ti e nga na gigi ti e na yenga ni so ape. Tongana Mémorial atï na mbeni nda-yenga, a yeke sara diskur nga na Tour ti Ba Ndo ape. Mo yeke sara kua nzoni na ngoi ni so na yâ ti kapa ti mo? Gï tongana ti akozo Chrétien, a lingbi e sara ambeni ye ti leke terê ti e ndali ti kota lango so. (Lc 22:7-13; km 3/15 l. 1) Me, a lingbi e kue e leke bê ti e. E lingbi ti sara ni tongana nyen?

• Gbu li na ndö ti ndani so a yeke kota ye ti gue na Mémorial.​—1aC 11:23-26

• Sambela ndali ti songo ti mo na Jéhovah nga gbu li na ndö ni.​—1aC 11:27-29; 2aC 13:5

• Diko aversê so asara tënë na ndö ti Mémorial nga so afa nda ti Mémorial ni na gbu li dä.​—Jn 3:16; 15:13

Ambeni wafango tënë ayeke diko aversê so a zia ndali ti Mémorial so ayeke na yâ ti Gingo nda ti tënë ti Nzapa lâ oko oko nga ala yeke gbu li na ndö ni. Ambeni adiko aversê ti Bible so ayeke na yâ ti tableau so. Ambeni nga akiri na ndö ti a-article ti Tour ti Ba Ndo so asara tënë ti Mémorial nga na ndoye so Jéhovah na Jésus afa na mbage ti e. Atâa ye wa la mo soro, zia a sara si mo ga nduru mingi na Jéhovah nga na Molenge ti lo.