Bibe so Ésaïe ayeke na ni ti duti nduru ti sara ye ayeke mbeni nzoni tapande ti mû peko ni. Lo fa so lo yeke na mabe nga lo yeda hio ti sara mbeni ye so a hunda ti sara, atâa so lo hinga anzene nzene ye kue na ndo ni pëpe (És 6:8). Mo lingbi ti changé aye na yâ ti gigi ti mo ti mû lege na mo ti gue na ndo so bezoin ti awafango tënë ti Royaume ayeke dä mingi? (Ps 110:3). Biani, ti sara mara ti tambela tongaso, a yeke kota ye ti “diko ngere ni”. (Lc 14:27, 28). Ye oko, duti nduru ti sara asacrifice ndali ti kua ti fango tënë (Mt 8:20; Mc 10:28-30). Tongana ti so a fa na yâ ti vidéo Gue na ndo so bezoin ti awafango tënë ayeke dä mingi, aye ti nzoni so e wara na yâ ti kua ti Jéhovah ayeke mingi ahon asacrifice kue so e sara.

• Asacrifice wa la azo ti sewa ti Williams asara ti gue ti fa tënë na Équateur?

• Aye wa la ala gbu li dä na ngoi so ala yeke soro ndo so ala ye ti gue ti fa tënë dä?

• Aye ti nzoni wa la ala wara lani?

• Ndo wa la mo lingbi ti wara gbâ ti asango dä na ndo ti fango tënë na ndo so bezoin ti awafango tënë ayeke dä mingi?

• Tongana nyen la na sewa e lingbi ti fa tënë ahon ti kozo? (km 8/11 l. 4-6)

• Tongana e lingbi pëpe ti gue na ndo so bezoin ti awafango tënë ayeke dä mingi, aye wa la e lingbi ti sara ti mû maboko na congrégation ti e? (w16.03 l. 23-25)