Jéhovah ayeke sara kangbi na popo ti azo pëpe (Kus 10:34, 35). Lo yeda na azo so ‘alondo na popo ti amara kue, akete mara kue, azo ti kodoro kue nga na ayanga ti kodoro kue.’ (Apc 7:9). Tongaso, na yâ ti congrégation e yeke na raison oko pëpe ti ke mbeni zo senge senge wala ti bâ yâ ti azo bango si e sara ye na ala (Jac 2:1-4). Grâce na fango ye ti Nzapa, e yeke na yâ ti paradis ti yingo so na yâ ni e bâ tongana nyen azo achangé asarango ye ti ala (És 11:6-9). Na ngoi so e yeke sara ngangu ti zi na yâ ti bê ti e aye kue so afa so e ke ambeni zo senge senge, e yeke fa so e yeke azo so asara ye tongana ti Nzapa.—aÉp 5:1, 2.

• Ngbanga ti nyen fango ye ti Nzapa ayeke nzoni mingi ahon angangu so azo ayeke sara ti zi na popo ti azo tënë ti kangbi nga na ti kengo zo senge senge?

• Nyen la adö bê ti mo na ndo ti sewa ti e ti aita kue?

• Na lege wa Jéhovah ayeke wara gloire tongana e bata beoko ti e ti aChrétien?