NDANI SO A YEKE KOTA YE: A lingbi azo ahinga andia ti Jéhovah nga ala sara ye alingbi na ni tongaso si ala voro lo na lege so lo yeda na ni (És 2:3, 4). Buku “Ngbâ na yâ ti ndoye ti Nzapa”, so ayeke use buku so e yeke manda na ye na azo, ayeke mû maboko na azo so e sara étude na ala ti bâ tongana nyen la amama-ndia ti Bible andu fini ti ala ti lâ oko oko (aHb 5:14). A lingbi e gi ti ndu bê ti ala na ngoi so e yeke fa ye na ala tongaso si ala lingbi ti duti na mbeni nzoni bibe so apusu ala ti sara achangement.—aRm 6:17.

LEGE TI SARA NI:

• Leke tere ti mo nzoni, gi ti hinga abezoin ti zo ni. Leke ambeni hundango ndo so ayeke mû maboko na mo ti hinga apensé ti lo nga na atënë ti bê ti lo na ndo ti ye so lo yeke manda.—aPr 20:5; be 259

• Sara kua na a-encadré so ayeke na yâ ti buku ni ti mû maboko na zo so ayeke manda Bible ni ti bâ so a yeke kota ye ti sara ye alingbi na amama-ndia ti Bible

• Mû maboko na wamandango Bible ni ti gbu li na ndo ti adesizion so andu conscience ti zo oko oko, me mû desizion na place ti lo pëpe.—aGl 6:5

• Na kode, gi ti bâ wala wamandango Bible ni ayeke na bezoin ti mungo maboko ti sara ye alingbi na ambeni mama-ndia ti Bible. Na nzoni bê, wa lo ti zia si ndoye so lo yeke na ni na mbage ti Jéhovah apusu lo ti sara achangement.—aPr 27:11; Jn 14:31