Na angoi nde nde na yâ ti mbaï ti azo, azo ti komande amû maboko na azo ti Jéhovah (Esd 6:1-12; Est 8:10-13). Même na ngoi ti e laso, e yeke bâ tongana nyen la “sese”, so a haka ni na azo wala groupe ti azo so ayeke na komandema na yâ ti dunia, so ayeke sara ye na lege ni, amene “kota ngu” ti atara so “sioni nyama” so akpa ngbo so, so a yeke Satan Zabolo, aga na ni (Apc 12:16). Jéhovah, “Nzapa so asö” zo, alingbi ngoi na ngoi ti pusu azo ti komande ti mû maboko na azo ti lo.—Ps 68:20; aPr 21:1.

Ka, tongana a kanga mo ndali ti mabe ti mo? Duti na kite oko ape so Jéhovah ayeke bâ ndo na ndö ti mo (Ge 39:21-23; Ps 105:17-20). Hinga biani so a yeke futa ande mo ndali ti mabe ti mo nga so mo duti be-ta-zo ayeke kpengba aita ti mo ti dunia kue.—aPh 1:12-14; Apc 2:10.

BÂ VIDÉO A ZI AITA TI CORÉE NA DA TI KANGA, NA PEKONI KIRI TËNË NA AHUNDA SO:

• Ngbanga ti nyen la a kanga aita ti e ti Corée du Sud saki mingi teti angu mingi?

• Adesizion wa la akota zo ti da-ngbanga amû so amû lege si a zi ambeni ita ti e na kanga ade ti ninga ape?

• Tongana nyen la e lingbi ti aidé aita ti e na yâ ti dunia kue so ayeke na kanga na ndembe so ndali ti mabe ti ala?

• Tongana nyen la a lingbi e sara kua nzoni na liberté so e yeke na ni na ndembe so?

• Zo wa la na nda ni alingbi na gonda ndali ti asongo benda so e wara?