Depuis na ngu 2018 ti ga na ni, na yâ ti apériodique so e yeke fa na tënë na azo, numero oko oko ayeke gï na mama-tene oko, apériodique so kue ayeke na yâ ti gbakuru so e yeke fa na ye na azo. Tongaso, e yeke sara kua na ni na fango tënë. E lingbi nga ti mû mbeni kete na terê ti e na ngoi so e yeke voyagé wala e yeke sara ambeni course. E yeke sara étude na azo na yâ ti apériodique ape, me a lingbi ti pusu azo ti yeda ti manda ye mingi na ndö ti Nzapa.

Na peko ti so mo komanse lisoro na mbeni zo, diko na lo mbeni versê nga fa na lo mama-tene ti mbeni périodique so apeut ti ndu bê ti lo. Na tapande, tongana lo yeke na amolenge wala lo yeke na agingo bê, mo lingbi ti tene: “Mbi diko mbeni article na ndö ti tënë so ade ti ninga ape. Mbi peut ti fa ni na ala?” Tongana lo yeda, mo peut ti mû na lo périodique ni wala mo tokua ni na ndö ti appareil ti lo, même na kozo tingbingo terê. Atâa so ye so e yeke gi ayeke ti zia gï ambeti ape, apériodique apeut ti aidé e ti wara azo so ayeke nduru ti sara ye alingbi na aye so ala manda.—Kus 13:48.