Tongana a bi awasiokpari so aye ti changé bê ti ala ape na gigi ti bungbi, a yeke bata congrégation nga a yeke fa lege na awasiokpari ni (1aC 5:6, 11). Tongana e mû mbage ti fango lege ti Jéhovah so, e yeke fa so e yeke na ndoye. Me tongana nyen la mbeni ye so amû vundu mingi na afami nga na a-ancien so asara komite ti azo ni ayeke fä ti ndoye?

Kota ye ni ayeke so, e yeke fa ndoye ndali ti iri ti Jéhovah nga ndali ti ndia ti lo so ahunda ti tene e ga nzoni-kue (1Pi 1:14-16). E yeke fa nga ndoye na mbage ti zo so a bi lo na gigi so. Atâa so ngangu gbotongo mê ayeke son, a lingbi ti “lë lengo ti siriri, so ti tene mbilimbili.” (aHb 12:5, 6, 11). E yeke sara ye ague nde na fango lege ti Jéhovah tongana e sara songo na mbeni zo so a bi lo na gigi wala mbeni zo so azi terê ti lo na bungbi. Girisa ape so, Jéhovah ayeke “punir” lakue azo ti lo alingbi na ni (Jér 30:11). Tongana e mû mbage ti fango lege ti Jéhovah nga e sara ye kue so e lingbi ti sara ti ngbâ ti duti na nzoni songo na lo, e yeke duti na beku so zo ni ayeke kiri na mbage ti Babâ ti e ti nzoni bê.—És 1:16-18; 55:7.

BÂ VIDÉO NGBÂ TI DUTI BE-TA-ZO NA BÊ TI MO KUE, NA PEKONI KIRI TËNË NA AHUNDA SO:

• Tongana mbeni molenge azia Jéhovah, a yeke sara babâ na mama ni tongana nyen?

• Tongana nyen la aita ti congrégation alingbi ti mû maboko na azo ti sewa ni, so ayeke be-ta-zo?

• Mbaï ti Bible wa la afa so a yeke kota ye ti duti be-ta-zo mingi na Jéhovah ahon azo ti sewa ti e?

• Tongana nyen la e lingbi ti fa so e yeke be-ta-zo na Jéhovah mingi ahon azo ti sewa ti e?