Na ngoi so Jésus ayeke lani na ndö ti sese, lo gboto lê mingi na ndö ti commandement so: “Mo ne babâ na mama ti mo”. (Ex 20:12; Mt 15:4). Jésus asara tënë lani na kamene ape ndali ti so lo “ngbâ ti mä yanga” ti babâ na mama ti lo na ngoi so lo ngbâ maseka (Lc 2:51, kete tënë na gbe ni.) Na ngoi so lo ga kota zo, lo leke ti tene na peko ti kuâ ti lo, a bâ lege ti mama ti lo.—Jn 19:26, 27.

Laso nga, aChrétien so ayeke amaseka ayeke fa so ala ne ababâ na amama ti ala na lege so ala mä yanga ti ala nga ala sara tënë na ala na nengo zo. Commandement ti nengo ababâ na amama ayeke na limite ape. Même na peko ti so ababâ na amama ti e aga mbakoro, a lingbi e ngbâ ti ne ala si e wara ye ti nzoni na lege ti ndara ti ala (aPr 23:22). E yeke ne nga ababâ na amama ti e so aga mbakoro na lege so e yeke sara si ala duti na ngia nga e mû na ala aye so ala yeke na bezoin ni (1Tm 5:8). Atâa e yeke maseka wala kota zo, sarango nzoni lisoro na ababâ na amama ti e ayeke kota ye so ayeke mû lege na e ti ne ala.

BÂ VIDÉO ADESSIN ABOUGÉ NA LÊ TI TABLEAU TONGANA NYEN LA MBI PEUT TI SARA TËNË NA BABÂ NA MAMA TI MBI? NA PEKONI, KIRI TËNË NA AHUNDA SO:

• Ngbanga ti nyen a lingbi ti duti ngangu na mo ti sara lisoro na babâ na mama ti mo?

• Tongana nyen la mo lingbi ti ne babâ na mama ti mo tongana mo yeke sara tënë na ala?

• Ngbanga ti nyen a yeke kota ye ti sara lisoro na babâ na mama ti e? (aPr 15:22)