Jésus asara kua na atapande ti fa so tongana e sara mbeni ye so asara si e wala ambeni zo apika gere, a yeke kota faute mingi.

18:6, 7

• “Aye so asara si zo apika gere ti lo” andu mbeni sarango ye wala mbeni ye so asi so ayeke gue na zo ti sara sioni ye, ti pika gere, ti zia lege ti nzoni sarango ye wala ti tï na yâ ti siokpari

• Tongana mbeni zo asara si mbeni zo apika gere, a yeke nzoni tongana a kanga kota tênë ti nekango na ye na go ti lo na a bi lo na yâ ti kota ngu-ingo

18:8, 9

• Jésus awa adisciple ti lo ti zi même ye so ayeke kota ye mingi tongana maboko wala lê ti ala tongana asara si ala pika gere ti ala

• A yeke nzoni ti zi kota ye ni so na ti lï na yâ ti Royaume ti Nzapa ahon ti bata ni nga ti gue na Géhenne, so ayeke fä ti futingo ti biani biani

Na yâ ti gigi ti mbi, nyen la alingbi ti duti mbeni ye ti pikango gere? Tongana nyen la mbi lingbi ti kpe ti pika gere wala ti sara si ambeni zo apika gere?