GIGI TI E TI CHRÉTIEN
Tongana nyen ti zia ti manda Bible na mbeni zo so ague na li ni ape
NDANI SO A YEKE KOTA YE: A lingbi azo airi ndo na Jéhovah na iri ti lo si a sö ala (aRm 10:13, 14). Me, a yeke pëpe azo kue so aye ti manda Bible la ayeke ye ti sara ye alingbi na andia ti Jéhovah na yâ ti fini ti ala. E yeke sara kua nzoni na ngoi ti e na fango tënë na lege so e yeke mû maboko na azo so aye biani ti sara achangement ti nzere na lê ti Jéhovah. Tongana mbeni zo amanda Bible teti mbeni ngoi si lo gue na li ni ape, a yeke na lege ti ndara ti zia étude ni si e mû ngoi ni so ti aidé na azo so Jéhovah agboto ala na mbage ti lo nga na bungbi ti lo (Jn 6:44). Me, tongana ngoi ahon si zo ni asara ambeni changement nga lo yeke “nduru ti yeda na tënë ni ti wara fini ti lakue lakue,” e yeke na ngia ti kiri ti sara étude na lo.—Kus 13:48.
LEGE TI SARA NI:
-
Gonda wamandango ye ni ndali ti so lo ye ti wara tâ hingango ye.—1Tm 2:4
-
Fa na lo so ti sara ye alingbi na ye so lo yeke manda ayeke kota ye mingi.—Lc 6:46-49
-
Na nzoni bê sara lisoro na lo na ndö ti toli ti Jésus ti zo ti lungo ye, nga hunda lo ti gbu li na ndö ti ye so ayeke kanga lege na lo ti sara ye alingbi na ye so lo manda.—Mt 13:18-23
-
Na nzoni bê fa ndani so mo zia ti manda Bible na lo
-
Fa na lo so ngoi na ngoi mo yeke ga ti bâ lo ti encouragé lo nga so tongana lo gue na li ni mo yeke kiri ande ti sara étude ni
BÂ VIDÉO, NA PEKO NI KIRI TËNË NA AHUNDA SO:
-
Nyen la mo manda na lege ti lisoro so afa so wamandango ye ni ague na li ni na lege ti yingo ape?
-
Tongana nyen la ita ni amû maboko na wamandango ye ni ti hinga so alingbi lo sara achangement?
-
Tongana nyen la ita ni afa na wamandango ye ni so lege ayeke dä ti tene ala kiri ti sara étude mbeni lâ?