Tongana mo bâ couleur ti afleur, gbâ ti a-étoile na lê ti nduzu wala chute ti ngu so ayeke sara bruit, mo yeke bâ so maboko ti Nzapa la asara ni? Aye so ayeke na yâ ti dunia afa polele asarango ye ti terê ti Jéhovah so lê abâ ni pëpe (aRm 1:20). Tongana e mû ngoi kete ti gbu li na ndö ti aye so e bâ, e yeke wara lege ti bâ ngangu ti Nzapa, ndoye ti lo, ndara ti lo nga na mbilimbili ti lo; e yeke bâ nga so lo yeke Nzapa so amû ye mingi na zo.​—Ps 104:24.

Ambeni ye so Jéhovah acréé so mo yeke bâ ni lâ oko oko ayeke so wa? Même si mo yeke lango na yâ ti gbata, mo lingbi ti bâ andeke wala akeke. Ti bâ mbilimbili aye so Jéhovah acréé alingbi ti sara si e gi bê ti e mingi ape, e duti na nzoni bango ndo na ndö ti aye so ayeke akota ye, nga mabe ti e na ndö ti ngangu so Jéhovah ayeke na ni ti bâ lege ti e teti lakue lakue akiri ti kono (Mt 6:25-32). Tongana mo yeke na amolenge, aidé ala ti bâ asarango ye ti terê ti Jéhovah so ayeke kota mingi. Tongana e kiri singila mingi ndali ti aye so Nzapa acréé, e yeke ga ande nduru mingi na Jéhovah so acréé e.—Ps 8:3, 4.

BÂ VIDÉO APENDERE YE SO NZAPA ACRÉÉ AFA GLOIRE TI LO: LUMIÈRE NA ACOULEUR, NA PEKONI KIRI TËNË NA AHUNDA SO:

• Nyen la asara si e yeke bâ acouleur?

• Nyen la asara si ambeni couleur ayeke changé na ngoi so position so e yeke bâ ni achangé?

• Ngbanga ti nyen la e yeke bâ acouleur nde nde na lê ti nduzu?

• Acouleur wa la mo ye ti bâ ni mingi so ayeke na terê ti da ti mo?

• Ngbanga ti nyen la a lingbi e mû ngoi ti bâ mbilimbili aye so Nzapa acréé?