Matthieu chapitre 8 na 9 asara tënë ti mbeni mbage ti kua ti fango tënë ti Jésus na sese ti Galilée. Na ngoi so Jésus asava azo, lo fa ngangu ti lo, me mingi ahon so, lo fa so lo ye azo mingi nga lo bâ mawa ti ala.

1. Jésus asava mbeni zo ti buruma.—Mt 8:1-3

2. Jésus asava zo ti kua ti mbeni turugu ti kota kamba.—Mt 8:5-13

   Lo sava mama ti wali ti Pierre.—Mt 8:14, 15

   Lo tomba asioni yingo nga lo sava azo kue so terê ti ala ason. —Mt 8:16, 17

3. Jésus atomba asioni yingo so ayeke tâ sioni mingi, ala gue alï na yâ ti acochon.—Mt 8:28-32

4. Jésus asava mbeni zo so mbage ti terê ti lo akui.—Mt 9:1-8

   Lo sava mbeni wali so andu bongo ti lo, nga lo zingo na kuâ molenge ti Jaïrus ti wali.—Mt 9:18-26

   Lo sava awaziba nga na mbeni zo so yanga ti lo akanga.—Mt 9:27-34

5. Jésus atambela na yâ ti agbata nga na akete kodro, lo sava mara ti akobela nde nde kue nga na ambage ti terê nde nde kue so abuba.—Mt 9:35, 36

Tongana nyen la mbi lingbi ti fa so mbi ye azo mingi so angoro mbi nga mbi bâ mawa ti ala?