Tara ti bâ so mo yeke na Galilée na ngoi ti Jésus. Mo gue na Jérusalem ti sara Matanga ti akpangba. Gbata ni asi singo na amba ti mo wavorongo Nzapa so alondo na ayongoro ndo. Mo ye ti mû sandaga na Jéhovah. Mo mû taba ti mo, mo komanse ti hon na popo ti gbâ ti azo ti gbata ni ti gue na temple. Na ngoi so mo si kâ, temple ni asi na amba ti mo so aye nga ti mû mbeni sandaga na Jéhovah. Na nda ni, a si na tour ti mo ti mû taba ti mo na aprêtre ni. Mo dabe ti mo so ita ti mo, so ayeke na popo ti gbâ ti azo ni wala na yâ ti gbata ni, ayeke na mbeni tënë na terê ti mo. Jésus afa ye so a lingbi mo sara. (Diko Matthieu 5:24.) Tongana nyen la mo na ita ti mo so ayeke na tënë na terê ti mo alingbi ti tomba peko ti siriri tongana ti so Jésus afa? Na yâ ti molongo ti atënë so ayeke na gbe ni ge, zia marque na terê ti tâ kiringo tënë ni.

A LINGBI MO . . . 

• sara tënë na ita ti mo gï tongana mo bâ so lo yeke tâ na raison ti sara ngonzo

• leke bango ndo ti ita ti mo ni tongana mo bâ so lo sara ngonzo mingi wala fa na lo so lo kue lo yeke na faute

• dengi mê nzoni tongana ita ti mo ayeke fa tënë ti bê ti lo, na même tongana mo comprendre lo nzoni ape, hunda pardon na bê ti mo kue ndali ti so mo son bê ti lo wala ndali ti aye so asi ndali ti sarango ye ti mo

A LINGBI ITA TI MO . . . 

• agi mungo maboko ti aita na lege so lo tene na ala tongana nyen la mo son bê ti lo

• adekongo na li ti mo, lo fa anzene nzene ye kue so mo sara so ason bê ti lo nga lo ye ti tene mo yeda so mo yeke na faute

• ahinga so mo sara terê ti mo kete nga mo sara ye na mbeto ape la mo ga na mbage ti lo so, nga a lingbi lo pardonné mo na bê ti lo kue

Atâa so laso e yeke mû pëpe asandaga ti nyama na Nzapa na yâ ti vorongo ti e, nyen la Jésus afa na ndö ti kamba so ayeke na popo ti dutingo na siriri na aita ti e nga na vorongo so Nzapa ayeda na ni?