Jéhovah abâ zendo ti mariage na nene ni mingi. Lo tene mbeni koli na wali ti lo adoit ti ngbâ na mba (Mt 19:5, 6). A yeke wara gbâ ti anzoni tapande ti mariage na popo ti azo ti Nzapa. Ye oko, mbeni mariage oko ayeke mbilimbili-kue ape. Akpale ayeke londo ka. A lingbi e yeda pëpe na bango ndo so azo mingi ayeke na ni, so kangbingo terê nga na divorce la ayeke leke kpale ti mbeni couple. Tongana nyen la aChrétien so asara mariage awe apeut ti bata mariage ti ala?

Bâ akpengba ye oku so ala lingbi ti sara.

1. Bata bê ti mo na lege so mo ke aye tongana ziango nzara ti mo na yâ ti mbeni zo nga na angia so a fa lango-sioni na yâ ni, aye so ayeke woko songo ti mariage.—Mt 5:28; 2Pi 2:14.

2. Kpengba songo ti mo mingi na Nzapa nga gi ti zia ngia na bê ti lo mingi na yâ ti mariage ti mo. —Ps 97:10.

3. Ngbâ ti yü fini zo nga gi ti sara nzoni na koli wala wali ti mo na yâ ti akete kete ye, ye so ayeke sara ande si lo duti nzoni.—aCl 3:8-10, 12-14.

4. Ngbâ ti sara nzoni lisoro na nengo zo.—aCl 4:6.

5. Mû ye ti koli wala ti wali ti mo na lo na nzoni bê nga na ndoye.—1aC 7:3, 4; 10:24.

Tongana aChrétien ane mariage ti ala, andâ ala ne Jéhovah so azia ni na sese.

BÂ VIDEO A LINGBI E ‘GBU NGANGU E KPE LORO’: SARA YE ALINGBI NA ANDIA TI KPENGO LORO NI, NA PEKONI KIRI TËNË NA AHUNDA SO:

• Atâa so mbeni mariage alingbi ti to nda ni nzoni, akpale wa la alingbi ti londo?

• Tongana nyen la amama-ndia ti Bible alingbi ti aidé azo so abâ so ndoye ayeke na yâ ti mariage ti ala ape?

• Andia wa la Jéhovah alu ni teti mariage?

• Ti tene mbeni mariage aduti nzoni, nyen la koli na wali adoit ti sara?