Akpale wa la mo yeke gi ti hon ndö ni lâ na lâ? Mo yeke mokonzi ti sewa so ayeke na gbâ ti akua ti sarango ni? Mo yeke babâ wala mama so mo yeke bâ lege ti amolenge ti mo gï mo oko? Mo yeke mbeni maseka so amba ti mo ayeke sara ngangu na ndö ti mo na ekole? Mo yeke na kpale ti seni wala ti gango mbakoro? Azo kue ayeke na akpale. A-Chrétien mingi ayeke tingbi na gbâ ti akpale na oko ngoi. Ye oko, e hinga so Jéhovah aga nduru ti zi e na yâ ti atara so awe.—2aC 4:16-18.

Ti ku juska na ngoi ni so, a dë bê ti e ti hinga so Jéhovah ahinga akpale ti e, lo bâ na nene ni dutingo be-ta-zo nga na gbungo ngangu ti e nga lo yeke iri gbâ ti atufa na ndö ti e (Jér 29:11, 12). Jésus nga kue ayeke pensé na e. Tongana e sara aye so a hunda na e aChrétien, tënë ti lo so: “Mbi yeke na terê ti ala” ayeke dë bê ti e (Mt 28:20). Tongana e gbu li ti e kete na ndö ti liberté so e yeke wara ande na gbe ti Royaume ti Nzapa, e yeke kpengba beku ti e nga e yeke kiri ti gbu ngangu na yâ ti atara.—aRm 8:19-21.

BÂ VIDÉO NA NGOI SO KOTA YE TI VUNDU AYEKE PUSU NDURU, ZIA LÊ TI MO ANGBÂ GÏ NA NDÖ TI JÉSUS, NA PEKONI KIRI TËNË NA AHUNDA SO:

• Tongana nyen la azo ague yongoro na Nzapa, na ye ti peko ni ayeke nyen?

• Gigi wa la ayeke ku azo so ayeke be-ta-zo na Jéhovah?

• Tongana nyen la pendere ye so alingbi ti si?

• Anzoni ye wa la mo yeke ku ni kungo na yâ ti fini dunia?