Gï tongana ti so Jéhovah aleke azo ti Israël lani, lo leke azo ti lo laso ti sara ye so bê ti lo aye. Na yâ ti dunia kue, aita ti Béthel, ti circonscription, ti congrégation nga na ti agroupe ti fango tënë, ayeke sara kua maboko na maboko ti tene fango nzoni tënë ti Royaume ague na li ni. E yeke fa tënë na azo kue, même ala so atene ayanga ti mbeni kodro nde.—Apc 14:6, 7.

Mo pensé awe ti manda yanga ti mbeni kodro nde, tongaso si mo peut ti aidé ambeni zo ti hinga tâ tënë? Même tongana mo yeke na ngoi ape ti manda yanga ti mbeni kodro, mo lingbi ti sara kua na application JW Language ti manda mbeni kode ti fango tënë so akpengba ape. Tongana mo sara kua na ni na fango tënë, mo lingbi ti duti na ngia tongana ti akozo Chrétien. Terê ti ala anzere lani mingi na ngoi so bê ti ambeni zo ti mara nde adö ti mä na yanga ti kodro ti ala “apendere ye so Nzapa asara.”—Kus 2:7-11.

BÂ VIDÉO GA KAMARADE TI JÉHOVAH: FA TËNË NA YANGA TI KODORO-WANDE, NA PEKONI KIRI TËNË NA AHUNDA SO:

• Na ngoi wa la mo lingbi ti sara kua na application JW Language?

• Ambeni ye wa la ayeke na ndö ni?

• Ayanga ti kodro wa la azo ayeke tene ni na yâ ti territoire ti mo?

• Nyen la mo doit ti sara tongana mbeni zo so ayeda na tënë ti Royaume atene yanga ti mbeni kodro nde?—od l. 100-101 par. 39-41