Samuel angbâ be-ta-zo na Jéhovah na yâ ti gigi ti lo kue. Na ngoi so lo ngbâ molenge, lo ke ti sara asioni ye so amolenge ti Éli, Hophni na Phinéhas, asara (1Sa 2:22-26). Samuel angbâ ti maï, na Jéhovah angbâ lakue na lo (1Sa 3:19). Na ngoi so lo ga mbakoro, lo ngbâ ti sara na Jéhovah be-ta-zo, atâa so amolenge ti lo asara ni ape.—1Sa 8:1-5.

Nyen la tapande ti Samuel afa na e? Tongana mo yeke maseka, hinga so Jéhovah acomprendre akpale so mo yeke wara nga ye so ayeke sara na ndö ti mo. Lo peut ti aidé mo ti sara ye na mbeto ape (És 41:10, 13). Tongana mo yeke babâ wala mama so molenge ti mo azia Jéhovah, a yeke dë bê ti mo ti hinga so Samuel apeut lani ape ti forcé amolenge ti lo so akono awe ti ngbâ ti sara ye alingbi na andia ti Jéhovah. Na ngoi so lo zia tënë ni na maboko ti Jéhovah awe, lo ngbâ ti sara ye mbilimbili na lo nzere na lê ti Babâ ti lo ti yayu, Jéhovah. Peut-être nzoni tapande ti mo ayeke pusu molenge ti mo ti kiri na Jéhovah.

BÂ VIDÉO MANDA YE NA LEGE TI ALA: SAMUEL, NA PEKONI KIRI TËNË NA AHUNDA SO:

• Tongana nyen la Samuel asara ye na courage na ngoi so lo yeke molenge?

• Tongana nyen la Danny asara ye na courage?

• Tongana nyen la Samuel azia nzoni tapande na ngoi so lo ga mbakoro?

• Tongana nyen la babâ na mama ti Danny azia nzoni tapande?