Jéhovah abâ mo tongana ye so ngere ni ayeke kota mingi (És 43:4). Lo gboto mo na mbage ti lo nga na bungbi ti lo. So mo mû terê ti mo na Jéhovah nga mo wara batême, mo ga ti lo. Lo yeke bâ lege ti mo tongana ye ti lo wani, même na ngoi so mo wara akpale. Lo yeke fa tâ ndoye ti lo na mo na lege ti bungbi ti lo.​—Ps 25:10.

E peut ti kiri singila mingi na Jéhovah ndali ti tâ ndoye ti lo tongana e kiri e bâ fason so bungbi ti lo asara na ye na yâ ti angoi so ahon ade ti ninga ape na ngoi so aye tongana ngu asuku amû ndo wala sese ayengi.

BÂ VIDÉO RAPPORT TI KOMITE TI ACOORDINATEUR TI 2019, NA PEKONI KIRI TËNË NA AHUNDA SO:

• Tongana nyen la Komite ti acoordinateur afa na afiliale ti dunia kue ti sara ye na ngoi so aye tongana ngu asuku amû ndo wala sese ayengi?

• Tongana nyen la bungbi ti Jéhovah afa lani aye ti sara nga amû maboko na azo na yâ ti aye ti ngangu so asi na Indonésie nga na Nigéria?

• Nyen la apika bê ti mo na yâ ti fason so bungbi ti Jéhovah asara na ye na ngoi ti COVID-19?