Abungbi ti congrégation ayeke tâ kota mbage ti tâ vorongo Nzapa (Ps 22:22). Azo kue so ayeke bungbi ti voro Jéhovah ayeke wara ngia nga na atufa (Ps 65:4). Mingi ni azo so ayeke manda Bible ayeke gue na li ni hio tongana ala gue lakue na abungbi.

Tongana nyen la mo peut ti aidé a-étude ti mo ti gue na abungbi? Ngbâ lakue ti tisa ala ti gue na abungbi. Fa na ala vidéo E yeke sara abungbi ti e tongana nyen? Fa na ala anzoni ye so bungbi ayeke sara na zo (lff ye ti manda 10). Mo peut ti fa na ala mbeni mbilimbili ye so mo manda na bungbi wala ye so e yeke bâ na bungbi ti peko. Mû na ala ambeti so e yeke sara na kua na ngoi ti bungbi ni. Nga, sara ambilimbili ye ti aidé ala. Peut-être ala bezoin ti tene a gue na ala na bungbi. Na peko ti a-effort kue so mo sara tongana étude ti mo ni aga na bungbi ti kozoni, a yeke nzere na mo mingi.—1aC 14:24, 25.

BÂ VIDÉO MÛ MABOKO NA AZO SO MO YEKE MANDA BIBLE NA ALA TI GUE NA ABUNGBI, NA PEKONI KIRI TËNË NA AHUNDA SO:

• Nyen la Neeta aprofité na ni ti tisa Jenny na bungbi?

• Ngbanga ti nyen la e yeke na ngia tongana mbeni étude ti e aga na abungbi?

• Nyen la asi na Jenny na ngoi so lo ga na bungbi ti kozoni?