Ngbanga ti nyen la mo doit ti fa na babâ na mama ti mo apensé ti mo (aPr 23:26)? Ngbanga ti so Jéhovah amû na ala kua ti bango lege ti mo nga ti fango ye na mo (Ps 127:3, 4). A yeke duti ngangu na ala ti aidé mo tongana mo fa na ala ape aye so agbu bê ti mo nga na asecret ti mo. Nga, mo yeke hinga ape anzoni ye so asi na ala lani na yâ ti gigi ti ala. Eskê a yeke sioni ti bata na yâ ti mo ambeni tënë ti mo? A yeke sioni ape, tongana mo handa babâ na mama ti mo ape.—aPr 3:32.

Tongana nyen la mo peut ti sara tënë na aparent ti mo? Gi ti wara mbeni nzoni ngoi ndali ti mo na ala. Tongana a yeke ngangu, mo peut ti sara lettre na mbeni oko ti fa atënë ti bê ti mo. Ka tongana ala ye ti sara tënë na mo na ndö ti mbeni ye so mo ye ti sara tënë dä ape? Hinga so ala ye mingi ti aidé mo. Bâ ala tongana akamarade ti mo, me pëpe awato ti mo. Ngangu so mo yeke sara ti fa atënë ti bê ti mo na ala ayeke ga na mo ye ti nzoni na yâ ti gigi ti mo kue: fini ti lakue lakue.—aPr 4:10-12.

BÂ VIDÉO GIGI TI MBI TI MASEKA: TONGANA NYEN LA MBI PEUT TI SARA TËNË NA APARENT TI MBI? NA PEKONI KIRI TËNË NA AHUNDA SO:

• Nyen la Esther na Partik aga ti hinga na ndö ti ala wani?

• Nyen la mo peut ti manda na lege ti tapande ti Jésus?

• Tongana nyen la babâ na mama ti mo afa so ala ye mo?

• Amama-ndia wa la apeut ti aidé mo ti sara tënë na babâ na mama ti mo?