Mbeti ti Nzapa apeut ti changé fini ti e (aHb 4:12). Me ti wara ye ti nzoni na lege ti afango ye nga na awango so ayeke na yâ ni, e doit ti hinga na bê ti e kue so a yeke tâ tënë so a yeke “tënë ti Nzapa”. (1aT 2:13). Tongana nyen la e peut ti kpengba mabe ti e na lege ti Bible?

Diko mbeni mbage ti Bible lâ na lâ. Na ngoi so mo yeke diko ni, gi ti bâ ye so afa so Jéhovah la ayeke Wa ni. Na tapande, bâ wango so ayeke na mbeti ti aProverbe nga gi ti bâ tongana nyen la atënë ti ndara so ayeke na yâ ni alingbi na gigi ti e laso.—aPr 13:20; 14:30.

Komanse ti manda ye. Gi ti hinga nzoni mingi ye so afa biani so a sû Bible na gbe ti yingo ti Nzapa. Na yâ ti Mbeti ti sarango na recherche ndali ti aTémoin ti Jéhovah, gue na li ti atënë na mbage “Bible” na pekoni gue na “A sara ni na gbe ti yingo ti Nzapa.” Mo peut nga ti kpengba mabe ti mo tongana mo bâ atënë so ayeke na yâ ti Mbeti ti Nzapa ti fini dunia na mbage Ambeni tënë A3.

BÂ VIDÉO NDANI SO E MÄ NA BÊ . . . NA MBETI TI NZAPA, NA PEKONI KIRI TËNË NA AHUNDA SO:

• Tongana nyen la ye so a wara na terê ti mur ti mbeni temple na Karnak, na Égypte, afa so Mbeti ti Nzapa atene tâ tënë?

  textarea-1

• E hinga tongana nyen so atënë ti Bible achangé ape?

  textarea-2

• Tongana nyen la so Bible angbâ juska laso afa na mo so ayeke Mbeti ti Nzapa?—Diko Ésaïe 40:8

  textarea-3