Ngbanga ti nyen ti leke terê ti mo? Gï hio tongaso sân ti tene mo ku terê ti mo na ni mo peut ti wara ngangu kpale ti seni wala a gbanzi mo na hôpital. Tongaso, kozo si mbeni ngangu kpale ti seni alondo, gi ti bâ nzoni mingi na lege ti aye so a leke ti aidé mo ti kaï kobela ti mo na mbeni nzoni kode ande. Na sarango tongaso, mo fa so mo bâ fini nga na ndia ti Jéhovah na ndö ti mênë na nene ni.—Kus 15:28, 29.

Nyen la mo peut ti sara ti leke terê ti mo?

• Sambela nga sû na hange atënë na lê ti carte ti mo “Pas de sang” (DPA). a Aita so awara batême awe apeut ti hunda na aita so ayeke bâ lege ti ambeti ti mû na ala carte DPA ndali ti ala nga na Carte d’identité (ic) ndali ti amolenge ti ala so ade kete

• Tongana mo yeke na ngo, hunda na a-ancien ti mo ti mû na mo copie ti Informations pour les femmes enceintes (S-401). Mbeti so ayeke aidé ande mo ti mû anzoni desizion na ndö ti atënë so apeut ti londo so andu kode ti kaïngo na kobela na ngoi so wali ayeke na ngo nga na ngoi ti dungo

• Tongana a ye ti sara kua na mênë ti sava na kobela ti mo wala a ye ti gbanzi mo na hôpital, a yeke nzoni mo tene ni kozo na a-ancien ti mo nga mo tene na azo ti hôpital ni kozo so mbeni ita ti mo so ayeke Témoin ti Jéhovah ayeke ga ti bâ mo

A-ancien ayeke aidé tongana nyen? Ala peut ti aidé mo ti remplir carte DPA ti mo. Ye oko, a-ancien la ayeke mû pëpe adesizion so andu kode ti savango kobela ti mo wala ala yeke fa pëpe bango ndo ti ala wani na ndö ti atënë so zo oko oko la ayeke soro (aRm 14:12; aGl 6:5). Tongana mo tene na a-ancien ti mo so mo wara mbeni kpale ti seni so apeut ti ndu tënë ti mênë, ala peut ande ti bâ hio aita ti Komite so abâ lege ti songo na ada-nganga ndali ti mo.

Mungo maboko wa la aita so ayeke na yâ ti Komite so abâ lege ti songo na ada-nganga ayeke mû? A fa na aita so ayeke na yâ ti Komite so abâ lege ti songo na ada-nganga ti aidé azo so ayeke sava azo nga na communauté juridique ti hinga bango ndo ti bungbi ti Nzapa ti e na ndö ti mênë. Ala peut ti sara lisoro na wanganga so ayeke bâ lege ti mo na ndö ti akode so lo peut ti sava na mo sân ti mû na mo mênë. Tongana bezoin ni ayeke dä, ala peut ti aidé mo ti wara mbeni docteur so ayeke yeda na bango ndo ti mo na ndö ti mênë.

BÂ VIDÉO LEGE TI MÛ ANZONI DESIZION NA NDÖ TI TËNË TI MÊNË, NA PEKONI KIRI TËNË NA HUNDA SO:

• Nyen la mo manda na lege ti vidéo so, so apeut ti aidé mo ti leke terê ti mo kozo ndali ti mbeni ngangu kpale ti kobela so andu tënë ti mênë?

  textarea-1