Na lâ ti nda ni so, e yeke wara angangu tara mingi. Na ambeni ngoi, e peut ti bâ so atara ti e ayeke ngangu mingi e peut ti gbu lê ni ape. Me tongana e ngbâ ti ga nduru na Jéhovah lo yeke aidé e ti gbu ngangu na yâ ti atara même ati so asara e vundu mingi (És 43:2, 4). Tongana nyen la e peut ti ga nduru na Jéhovah na ngoi so e yeke na yâ ti atara?

Sambela. Na ngoi so e zi bê ti e na Jéhovah, lo yeke mû na e siriri ti bibe nga na hingango ndo ti gbu ngangu.—aPh 4:6, 7; 1aT 5:17.

Abungbi. E yeke na bezoin mingi ahon ti kozo ti wara awango so ayeke na yâ ti Bible nga ti wara terê na aita ti e na ngoi ti abungbi so Jéhovah aleke (aHb 10:24, 25). Tongana e leke terê ti e kozo ti gue na abungbi nga ti mû acommentaire, e yeke wara mungo maboko ti yingo ti Jéhovah.—Apc 2:29.

Fango tënë. Tongana e sara ye kue so e peut ti sara ti ngbâ ti fa tënë mingi, e yeke bâ so a yeke ngangu ape ti zia li ti e na ndö ti anzoni ye. E yeke kpengba nga songo ti e na amba ti e awakua so Jéhovah nga ayeke na popo ni.—1aC 3:5-10.

BÂ VIDÉO JÉHOVAH AYEKE YAMBA MO, NA PEKONI KIRI TËNË NA AHUNDA SO:

• Nyen la a-aidé Malu ti ngbâ nduru na Jéhovah na ngoi ti atara so lo wara?

  textarea-1

• Tongana ti Malu, tongana nyen la atënë so ayeke na Psaume 34:18 ayeke dë bê ti e na ngoi so e wara atara?

  textarea-2

• Tongana nyen la ye so asi na Malu afa so Jéhovah ayeke mû na e “ngangu so ahon ti so zo ayeke na ni” na ngoi so e wara atara?—2aC 4:7

  textarea-3