Ngu oko oko, awakua ti Jéhovah ayeke ku kungo ti sara Mémorial ndo oko. Na yâ ti ayenga so aga kozo na Mémorial ni nga na pekoni, e yeke mû ngoi ni so ti gonda Jéhovah nga ti tene merci na lo ndali ti cadeau so lo mû na e so ayeke ye so a futa ti zi azo (aÉp 1:3, 7). Na tapande, e yeke sara kua ngangu ti tisa azo na Mémorial. Ambeni ayeke leke yâ ti programme ti ala tongaso si ala peut ti mû kua ti pionnier auxiliaire ti fa tënë l’heure 30 wala 50 na nze ti mars wala avril. Mo ye ti fa tënë mingi ahon ti kozo na ngoi ti Mémorial so? Nyen la apeut ti aidé mo ti sara ni?

Fani mingi, e peut ti sara aye mingi tongana e leke mbeni kapa kozo (aPr 21:5). So Mémorial ayeke pusu nduru, a yeke ngoi ti tene e komanse ti leke kapa ti e la. Gi ti bâ ye so mo ye ti sara ti fa tënë mingi, nga gbu li na ndö ti ye so mo doit ti sara ti si na aye so mo zia na gbele mo ti si dä. Na pekoni sambela Jéhovah ti sara tufa na ndö ti a-effort ti mo.—1Jn 5:14, 15.

Eskê mo peut ti pensé na ndö ti ambeni ye so mo peut ti sara ti fa tënë mingi na ngoi ti Mémorial?