Ti mä yanga ti Nzapa ayeke londo na bê ti zo (aPr 3:1). Ye oko, na ngoi so e yeke fa ye, e doit ti sara kue ti ndu bê ti azo so e yeke fa ye na ala. Na lege wa?

Fa gï pëpe na étude ti mo atâ tënë ti Bible, me aidé lo ti tingbi aye so lo manda na fini ti lo nga na songo ti lo na Jéhovah. Aidé lo ti hinga tongana nyen la andia ti Bible afa ndoye ti Nzapa, nzoni bê ti lo nga na mbilimbili ti lo. Na kode, hunda atënë ti aidé lo ti tene lo wani lo gi ti hinga atënë ti bê ti lo na ndö ti ye so lo yeke manda. Aidé lo ti gbu li na ndö ti anzoni ye so lo yeke wara tongana lo changé mbeni sioni bango ndo ti lo wala mbeni sioni sarango ye. Tongana mo bâ so zo so mo yeke sara étude na lo andoye Jéhovah na bê ti lo kue, mo yeke wara ngia mingi.

BÂ VIDÉO WARA NGIA SO ZO AYEKE WARA NA SARANGO ADISCIPLE—MAÏ AKODE TI MO: NDU BÊ TI ZO, NA PEKONI KIRI TËNË NA AHUNDA SO:

• Ngbanga ti nyen la Neeta ahunda Jenny atene: “Mo pensé na causerie ti e ti lundi so?”

• Tongana nyen la Neeta a-aidé Jenny ti hinga so andia ti Bible afa so Jéhovah andoye lo?

• Tongana nyen la Neeta a-aidé Jenny ti gbu li na ndö ti lege so lo lingbi ti fa ndoye ti lo na mbage ti Nzapa?