Aye so e zia na gbele e na lege ti yingo andu aye kue so e yeke sara ngangu ti sara tongaso si e peut ti sara na Jéhovah mingi ahon ti kozo nga ti zia ngia na bê ti lo. Aye ni so ayeke aidé e ti ga aChrétien so ayeke biazo na ahunda ngoi ti e nga na ngangu ti e (1Tm 4:​15). Ngbanga ti nyen la e doit lakue ti bâ yâ ti aye so e zia na gbele e? Ngbanga ti so aye ayeke changé changengo. Peut-être ye so e zia na gbele e ti si dä, e peut encore ti sara ni ape, wala peut-être e sara ni awe nga e peut ti zia mbeni nde na gbele e.

Mbeni nzoni ngoi ti bâ yâ ti aye so e zia na gbele e ayeke kozo ti tene fini ngu ti kusala akomanse. Mo peut ti sara lisoro na ndö ni na ngoi ti vorongo Nzapa na sewa nga ti bâ ambeni ye so mo wala azo ti sewa ni apeut ti zia na gbele ala?

Na popo ti aye so a fa ge, ati so wa la mo zia mbilimbili na gbele mo? Aye wa la mo leke ti sara ti si na aye ni so?