David atingbi lani na aye ti ngangu mingi na yâ ti fini ti lo. Na ngoi so a sû Psaume 55, aye ti ngangu so asi na lo awe:

• Zonga

• Sarango ngangu

• Kota siokpari

• Kpale ti yâ ti sewa

• Kobela

• A kä lo

Même na ngoi so lo pensé so a yeke ngangu na lo ti hon ndo ti akpale ti lo ni, David awara lani mbeni lege ti hon ndo ni. David amû wango so ndali ti azo kue so ayeke na yâ ti mara kpale ti lo ni so: “Zia kungba ti mo na ndo ti Jéhovah.”

55:23

1. Bâ ndo na mbage ti Jéhovah na sambela lo na bê ti mo kue tongana mo yeke na mbeni kpale wala gingo bê

2. Gi fango lege nga na mungo maboko na yâ ti Mbeti ti Nzapa nga na mbage ti bungbi ti lo

3. Sara ye kue so mo lingbi ti sara ti hon ndo ti kpale ni na sarango ye ague oko na afango ye ti Bible