NDANI SO A YEKE KOTA YE: Tongana e manda Bible e wani ayeke mû maboko na e ‘ti gbu nda ti largeur ti tâ tënë, ti longueur ni, ti yongo ni na nduzu nga na ti lingo ni’. (aÉp 3:18). A yeke mû nga maboko na e ti duti na tënë na li ti e pëpe nga na sioni oko pëpe na popo ti azo ti sioni dunia so nga ti ngbâ “ti gbu tënë ti fini ngangu.” (aPh 2:15, 16). Mandango Bible e wani amû lege na e ti soro ye so e wani e yeke na bezoin ti manda ni. Nyen la e lingbi ti sara ti wara aye ti nzoni mingi na ngoi so e yeke diko Bible nga e yeke manda ni?

LEGE TI SARA NI:

• Sû kamba na gbe ti aversê ni nga sû anote na yâ ti Bible so mo yeke manda, atâa a yeke ti mbeti wala ti tablette

• Na ngoi so mo yeke diko Bible, hunda atënë so na terê ti mo: ‘Zo wa? Nyen? Lawa? Na ndo wa? Ngbanga ti nyen? Tongana nyen?’

• Gi nda ti aye. Sara kua na agbakuru ti sarango na recherche ti gi aye na ndö ti tënë ni wala na ndö ti versê ni

• Gbu li na ndö ti ye so mo diko ti bâ tongana nyen la asango ni andu mo

• Sara ye alingbi na aye so mo manda na yâ ti fini ti mo lâ na lâ.—Lc 6:47, 48

BÂ VIDÉO MANDA YE MO WANI NZONI TONGASO SI MO ‘NGBÂ TI GBU NGANGU’, NA PEKONI, KIRI TËNË NA AHUNDA SO:

• Ambeni ita atene nyen na ndö ti mandango ye zo lo wani?

• Ngbanga ti nyen la a lingbi e sambela lakue kozo ti komanse ti manda ye e wani?

• Nyen la alingbi ti mû maboko na e ti mä yâ ti mbeni mbage ti Bible nzoni ahon ti kozo?

• Amarque wa la e lingbi ti zia ni na yâ ti Bible ti e ti mandango ni?

• Ngbanga ti nyen la gbungo li ayeke kota ye mingi na ngoi so e yeke manda Bible?

• A lingbi e sara nyen na aye so e manda?