Ndoye ayeke colle so ayeke bungbi azo ti sewa oko. Sân ndoye, a yeke duti ngangu na azo ti sewa ti ngbâ ti duti beoko nga ti mä terê na popo ti ala. Tongana nyen la akoli na awali ti ala nga na ababâ na amama alingbi ti fa ndoye na yâ ti sewa?

Mbeni koli so asara ye na ndoye ayeke bâ na nene ni abezoin ti wali ti lo, bango ndo ti lo nga na aye so agbu bê ti lo (aÉp 5:28, 29). Lo yeke mû na sewa ti lo aye so ala bezoin ni na lege ti mitele nga na lege ti yingo, so na popo ni ayeke wara vorongo Nzapa lakue na yâ ti sewa (1Tm 5:8). Wali so asara ye na ndoye ayeke woko terê na gbe ti koli ti lo nga lo ‘yeke ne lo mingi.’ (aÉp 5:22, 33; 1Pi 3:1-6). Ala use kue adoit ti duti nduru ti pardonné mba na bê ti ala kue (aÉp 4:32). Ababâ na amama so asara ye na ndoye aye amolenge ti ala oko oko kue nga ala fa na ala ti ye Jéhovah (De 6:6, 7; aÉp 6:4). Akpale wa la amolenge ti ala awara na ekole? Tongana nyen la ala hon ndö ti ngangu so amba ti ala asara na ndö ti ala? Tongana ndoye ayeke na yâ ti sewa, azo ni kue ayeke duti nzoni.

BÂ VIDÉO, NGBÂ LAKUE TI SARA YE NA NDOYE NA YÂ TI SEWA TI MO, NA PEKONI KIRI TËNË NA AHUNDA SO:

• Tongana nyen la mbeni koli so asara ye na ndoye ayeke mû kobe na wali ti lo nga lo yeke ye lo?

• Tongana nyen la mbeni wali so asara ye na ndoye ayeke fa so lo ne koli ti lo mingi?

• Tongana nyen la ababâ na amama so asara ye na ndoye ayeke yôro Tënë ti Nzapa na bê ti amolenge ti ala?