So e yeke mbilimbili-kue ape, e doit lakue ti gi ti hon ndö ti anzara ti e. Tongana e sara ye kue so e ye, Jéhovah apeut ti bâ e na nzoni lê ape. Na tapande, ambeni zo azia si nzara ti kobe, ti bongo nga na ti ndo ti lango ahon ndö ti ndoye ti ala na Nzapa. Azo ayeke kaï nzara ti ala ti bungbingo koli na wali na mbeni lege so ague nde na andia ti Nzapa (aRm 1:26, 27). Nga, ambeni zo azia si amba ti ala asara ngangu na ndö ti ala ti sara sioni ye ndali ti so ala ye si amba ti ala aye ala wala ayeda na ala.—Ex 23:2.

Tongana nyen la e peut ti hon ndö ti anzara ti e? E doit ti sara kue ti zia li ti e na ndö ti aye so anzere na Jéhovah (Mt 4:4). Nga, e doit ti voro yanga na Jéhovah ti aidé e ti hon ndö ti anzara ti e. Ngbanga ti nyen? Ngbanga ti so lo hinga ye so ayeke nzoni mingi ndali ti e nga lo hinga tongana nyen ti kaï anzara ti e.—Ps 145:16.

BÂ VIDÉO NYONGO MANGA AYEKE BUBA FINI TI ZO, NA PEKONI KIRI TËNË NA AHUNDA SO:

• Ngbanga ti nyen la ambeni zo ayeke nyon manga?

• Nyen la nyongo manga apeut ti sara na mo?

• Ngbanga ti nyen la nyongo manga nga na manga so a iri ni chicha ayeke sioni?—2aC 7:1

• Tongana nyen la mo peut ti ke ti nyon manga wala ti zia lege ni?