GIGI TI E TI CHRÉTIEN
Bâ terê ti mo tongana ti so Jéhovah abâ na mo
“Bê ti Jéhovah anzere na terê ti azo ti lo.” (Ps 149:4). Atâa so e yeke mbilimbili-kue ape, lo bâ anzoni sarango ye ti e nga na aye so e peut ti sara ande. Ye oko, na ambeni ngoi, e peut ti bâ so a yeke ngangu na e ti bâ anzoni sarango ye ti e wani. Peut-être fason so azo asara na ye na e asara si e bâ so e yeke ye oko ape. Wala, tongana e zia li ti e na ndö ti afaute so e sara ândö, peut-être e yeke na kite so Jéhovah aye e biani. Nyen la apeut ti aidé e tongana e yeke na mara ti apensé so?
Girisa ape so Jéhovah abâ ye so zo ayeke na ngangu ti bâ ni ape (1Sa 16:7). So ti tene lo yeke bâ même ye so ayeke na yâ ti terê ti e, so e wani e peut ti bâ ni ape. Merci so Bible a-aidé e ti hinga tongana nyen la Jéhovah ayeke bâ e. E peut ti hinga ni tongana e diko aversê nga na ambaï ti Bible so afa tongana nyen la Jéhovah aye awakua ti lo mingi.
BÂ VIDÉO SARA SI BÊ TI MO ADË NA GBELE JÉHOVAH, NA PEKONI KIRI TËNË NA AHUNDA SO:
-
Nyen la tapande ti zo ti mungo loro nga na babâ ti lo afa na e na ndö ti fason so Jéhovah abâ na e?
-
Tongana mbeni zo so asara kota siokpari asara aye so lo doit ti sara ti leke songo ti lo na Jéhovah, tongana nyen la lo peut ti dë bê ti lo na gbele Jéhovah?—1Jn 3:19, 20
-
Tongana nyen la ita-koli so awara ye ti nzoni na lege so lo diko mbaï ti David na ti Josaphat nga lo gbu li na ndö ni?
