Audio ti Bible ayeke nyen? Audio ti Bible ayeke a-enregistrement ti Mbeti ti Nzapa ti fini dunia so a kiri aleke yâ ni, so a yeke ti mango ni. A yeke sigi na ni yeke na yeke na ayanga ti kodro mingi. Mbeni ye so ayeke nzoni dä mingi ayeke so, na yâ ti audio ni a enregistré go ti azo nde nde alingbi na azo ti yâ ti Bible ni oko na oko. A diko atënë ni na mbeni fason so aluti na ndö ti atënë ni nga asigi na asentiment ti azo ni ti lingbi na tënë ti Bible ni nzoni.

Aye ti nzoni wa la ambeni zo awara na lege ti audio ti Bible? Azo mingi so ayeke mä lakue audio ti Bible aye mingi fason so audio ni asara si ala vivre aye so ayeke na yâ ti Mbeti ti Nzapa. Ala bâ so na mango go ti azo nde nde alingbi na azo ti yâ ti Bible ni oko na oko, ala peut ti imaginé aye ni nzoni nga ti mä yâ ti atënë so a sû na yâ ti Bible ni (aPr 4:5). Ambeni mingi abâ nga so mango audio ti Bible asara si ala yeke na siriri na ngoi so ala yeke na agingo bê.—Ps 94:19.

Tongana e mä Mbeti ti Nzapa so a diko ni na kota go, a peut ti sara nzoni ye mingi na ndö ti fini ti e (2Ch 34:19-21). Tongana mbeni mbage ti audio ti Bible wala ni kue ayeke na mbeni yanga ti kodro so mo mä yâ ni, eskê mo peut ti zia mango ni na yâ ti aye so mo yeke sara ti voro na Jéhovah lakue?

BÂ VIDÉO SARANGO AUDIO TI BIBLE: KETE MBAGE NI, NA PEKONI KIRI TËNË NA HUNDA SO:

Nyen la apika bê ti mo mingi na ndö ti sarango audio ti Bible?