Na lango 23 ti mars, azo ahon million 12 tongaso, so e tisa ala, ayeke ga ande na Mémorial. So tâ pendere tënë ti témoin si ala yeke wara ande na ngoi so wamungo diskur ni ayeke sara tënë na ndo ti matabisi so Jéhovah amû na lege ti sandaga ti Jésus nga na ambeni ye ti nzoni so ayeke ga ndali ti azo kue! (És 11:6-9; 35:5, 6; 65:21-23; Jn 3:16). Ye oko, a yeke wamungo diskur ni la ayeke gi oko zo so ayeke fa tënë na ngoi ni so pëpe. E kue e lingbi ti yamba azo so aga na Mémorial na bê ti e kue (aRm 15:7). Bâ ambeni ye so mo lingbi ti sara ni ande.

• Ahon ti tene mo gue mo duti ti ku ti tene kapa ni ato nda ni, na ngia yamba azo so aga nga na aita so ayeke fa tënë encore ape

• Atâa so ayeke nzoni ti tene mo bi bê ti mo na azo so mo tisa ala, pensé nga na ambeni zo so aga, peut-être a yeke ndali ti so ala wara mbeti ti tisango ndo ni. Mo lingbi ti tisa ala ti duti na tere ti mo, ti diko Bible ti mo nga ti he bia legeoko na mo

• Na peko ti diskur ni, gi ti kiri tënë na ahundango ndo ti ala. Tongana a lingbi congrégation ti mo azia place hio na mbeni so ayeke ga na peko ti lo, mä tere na lo ti kiri tënë na ambeni hundango ndo ti lo ni na ambeni lango nde. Tongana mo yeke na adresse ti lo ape, mo lingbi ti tene: “Mo bâ bungbi ni tongana nyen? Eskê mbi peut ti kiri ti wara mo?”