A sigi lani na brochure Azo wa la ayeke sara laso ye so Jéhovah aye? ti manda na ye na azo na tongo nda ti étude oko oko wala na hunzingo ni. * Ye ti manda 1 ti si na 4 ayeke mû lege na azo so amanda ye ni ti hinga e, ye ti manda 5 ti si na 14 amû maboko na ala ti hinga ye na ndö ti akua ti e nga ye ti manda 15 ti si na 28 afa kua so bungbi ti e ayeke sara. Mingi ni a yeke nzoni ti sara aye ti manda ni oko oko na peko ti terê; me tongana mbeni ni nde agbu bê ti zo ni, mo lingbi ti huru ti sara ni. Ye ti manda oko oko amû gï lembeti oko nga a lingbi ti sara lisoro na ndö ni na awamandango ye mingi na yâ ti penze-ngbonga oku ti si na bale-oko.

• Gboto lê ti zo ni na ndö ti hundango tënë so ayeke li ti ye ti manda ni

• Diko ye ti manda ni kue legeoko, wala kangbi yâ ni na ambage nde nde

• Sara lisoro na ndö ti ye so mo londo ti diko. Sara kua na ahundango tënë so ayeke na gbe ti lembeti ni nga na afoto ni. Diko aversê so alingbi na ni nga sara lisoro na ndö ni. Fa so akete li ti tënë so a sû ni vuko vuko akiri tënë na hundango ndo ti li ti tënë ni

• Tongana encadré “Ye so mo lingbi ti sara” ayeke dä, ala diko ni legeoko nga wa zo ni ti sara ye alingbi na ye so a hunda