NDANI SO A YEKE KOTA YE: Tongana azo so e yeke manda Bible na ala aleke terê ti ala, ala yeke mä yâ ti ye ni hio nga ala yeke dabe ti ala na ye so e fa na ala. Tongana ala mä yâ ti ye so ala manda nga ala dabe ti ala na ni, ala yeke gue na li ni hio. Même na peko ti batême, ala bezoin ti leke abungbi nga na fango tënë tongaso si “ala lango pëpe”. (Mt 25:13). Ni la, tongana ala hinga ti manda ye nzoni nga ala yeke na nzoni kapa ti mandango ye lakue, a yeke mû maboko na ala na yâ ti gigi ti ala kue. Gï na tongo nda ni, a lingbi e mû maboko na azo so e yeke manda Bible na ala ti duti na habitude ti leke étude ti ala.

LEGE TI SARA NI:

• Duti mbeni nzoni tapande (aRm 2:21). Na ngoi so mo yeke leke terê ti mo ndali ti étude oko oko, pensé na zo so mo yeke manda Bible na lo (km 11/15 l. 3). Fa na lo ti mo mbeti ni so mo sû kamba na gbe ti atënë ni

• Wa lo ti leke terê ti lo. Tongana gere ti étude ni aluti nzoni awe, fa na lo so ti leke terê ti lo ayeke mbeni mbage ti mandango Bible ni nga fa na lo aye ti nzoni so ayeke ga na peko ni. Fa na lo ambilimbili ye so lo lingbi ti sara ti wara ngoi ti leke terê ti lo. Na ngoi ti mbeni étude, ambeni ita ayeke mû na zo ni mbeti ti ala so ala sû kamba na gbe ni ti mû maboko na zo ni ti bâ nzoni ti sarango tongaso. Gonda lo tongana lo leke terê ti lo

• Fa na lo tongana nyen ti leke terê ti lo. Gï na tongo nda ni, ambeni ita ayeke mû ngoi ti mbeni étude kue ti fa na zo ni tongana nyen la a yeke leke étude ni