• Sara kua na adresse ti mo wani. Tongana mo bâ so ayeke lege ti ndara ape ti sara kua na adresse ti mo, mo peut ti sara kua na adresse ti Da ti Royaume tongana a-ancien ayeda ti tene mo sara ni. Me, a lingbi mo sara kua LÂ OKO PËPE na adresse ti filiale ti tene a tokua mbeti na mo na ndö ni.

• Sû iri ti zo ni tongana mo hinga ni. Ye so ayeke sara si zo ni abâ ni pëpe tongana mbeni lettre ti dengo buze wala ti sabango.

• Sara hange na sungo agere-mbeti ni, kode ti sarango na ni nga na aye so akangbi popo ti atënë. A lingbi a sû lettre ni na ordre ti sungo ni nga a lingbi aduti propre. Tongana mo sû ni na maboko, a lingbi a duti ngangu ape ti tene zo adiko ni. A lingbi atënë ni aduti simple mingi ape nga aduti ngangu mingi ape.

Tapande ti lettre so afa tongana nyen ti sara aye so. A ye pëpe ti tene so a lingbi mo mû tâ gï peko ti alê ti tënë oko na oko lakue tongana mo yeke sara lettre na mbeni zo ti territoire ti mo. Sara lettre ni alingbi na ndani so mo sû ni nga alingbi na ndo nga na angobo ti kodro ti mo.