NDANI SO A YEKE KOTA YE: Mingi ti azo so abâ ndo ape aye pëpe ti sara lisoro na azo so ala hinga ala ape. Ni la, a hunda ti tene zo aduti na kode si lo fa tënë na mara ti azo tongaso. Jéhovah afa so lo pensé na azo so lê ti ala abuba (Lé 19:14). E lingbi ti mû tapande ti Jéhovah tongana e mû li ni ti mû maboko na azo so abâ ndo ape ti manda ye na ndö ti Jéhovah.

LEGE TI SARA NI:

• “Gi” azo so abâ ndo ape (Mt 10:11). Mo hinga mbeni zo so mbeni fami ti lo abâ ndo ape? Eskê mbeni ekole wala mbeni ndo ayeke dä na yâ ti territoire ti mo so apeut ti yeda ti mû ambeti ti azo so abâ ndo ape?

• Fa so mo bi bê na zo ni. Tongana mo sara ye na nzoni bê nga mo fa so mo pensé na mbeni zo so abâ ndo ape, a yeke nzere na lo ti sara lisoro na mo. Tara ti to nda ti lisoro na ndö ti mbeni ye so agbu bê ti azo ti ndo ni

• Mû maboko na ala ti manda ye na ndö ti Jéhovah. Bungbi ti Jéhovah asigi na ambeti na aformat nde nde ti mû maboko na azo so abâ ndo nzoni ape. Hunda na zo oko oko fason so lo ye ti manda na ye ni. Surveillant ti kusala alingbi ti sara commande ti ambeti ndali ti azo so abâ ndo ape na format so zo ni aye ni