Atara apeut ti découragé e hio, surtout tongana a ninga. David ahinga lani so tara so lo wara na mbage ti Gbia Saül ayeke hunzi nga so lo yeke ga gbia, tongana ti so Jéhovah amû zendo ni (1Sa 16:13). Mabe ti David a-aidé lo ti kanga bê ti ku Jéhovah.

Tongana e wara tara, e peut ti sara ye na ndara, na hingango ye, wala ti gbu li nzoni ti sara si ye ni aga nzoni (1Sa 21:12-14; aPr 1:4). Ye oko, ambeni kpale ayeke ngbâ même na peko ti so e sara ye kue so e peut ti sara so ague oko na amama-ndia ti Bible. Na yâ ti aye tongaso, e doit ti kanga bê ti ku Jéhovah. Na yâ ti kete ngoi lo yeke hunzi ande apasi kue nga lo yeke ‘mbô ngu ti lê kue’ na lê ti e (Apc 21:4). Atâa e wara dengo bê na lege ti mbeni ye so Jéhovah asara wala ndali ti ambeni raison nde, tâ tënë ni ayeke so: Atara kue ayeke hunzi mbeni lâ. Ye so apeut ti dë bê ti e kete.

BÂ VIDÉO AZO SO AYEKE BEOKO NA YÂ TI DUNIA SO KANGBI AYEKE DÄ, NA PEKONI KIRI TËNË NA AHUNDA SO:

• Akpale wa la aita so ayeke na sud ti États-Unis awara lani?

• Tongana nyen la ala kanga bê nga ala sara ye na ndoye?

• Tongana nyen la ala ngbâ ti zia lê ti ala na ndö ti “aye so ayeke akota ye mingi ahon atanga ni”? —aPh 1:10.