David asö benda na ndö ti Goliath ndali ti so lo sara confiance na Jéhovah (1Sa 17:45). Jéhovah aye ti mû ngangu ti lo ti mû maboko na awakua ti lo (2Ch 16:9). Tongana nyen la e peut ti sara confiance na aide so Jéhovah ayeke mû na e ahon ti sara confiance na hingango ye nga na akode ti e? Bâ alege ota ti sara ni:

• Sambela lakue. Sambela gï pëpe ti hunda pardon na peko ti so mo sara mbeni faute, me nga ti wara ngangu na ngoi so mo tingbi na mbeni tara (Mt 6:12, 13). Sambela gï pëpe ti tene Jéhovah asara tufa na ndö ti adesizion so mo mû awe, me nga ti tene lo fa lege na mo nga lo mû na mo ndara kozo ti mû adesizion.—Jac 1:5.

• Diko Bible nga manda ni lakue. Diko Bible lâ oko oko (Ps 1:2). Gbu li na ndö ti atapande so ayeke na yâ ti Bible, nga sara ye alingbi na aye ti manda ni (Jac 1:23-25). Leke terê ti mo ndali ti fango tënë ahon ti zia bê ti mo na ndö ti aye so mo sara lani awe. Leke abungbi ti congrégation ti tene mo wara aye ti nzoni dä

• Sara kua maboko na maboko na bungbi ti Jéhovah. Gi ti hinga afini fango lege so bungbi ti Jéhovah afa, nga mû peko ni hio (Nb 9:17). Mä a-ancien na ngoi so ala yeke mû wango nga ala yeke fa ambeni ye ti sara.—aHb 13:17

BÂ VIDÉO SARA MBETO TI SARANGO YE TI NGANGU NA ZO APE, NA PEKONI KIRI TËNË NA AHUNDA SO:

• Aye wa la asi na aita so amû mbeto na ala?

• Nyen la a-aidé ala ti hon ndö ti mbeto ti ala?