• aPr 11:17—Tongana nyen la sarango nzoni bê na zo ayeke ga na e aye ti nzoni? (g20.1 l. 11, encadré)

  Kiringo tënë ti mo

• Anzoni ye wa la mo wara na yâ ti dikongo Bible ti yenga so, so mo ye ti fa ni?

  Kiringo tënë ti mo

So e yeke mbilimbili-kue ape, e yeke tene atënë so ayeke na lege ni ape (Jac 3:8). Ye oko, tongana e gbu li ti e na ndö ti akpale so apeut ti ga na peko ti mbeni tënë so e tene na lege ni ape, a yeke aidé e ti tene pëpe mbeni tënë so e yeke regretté na pekoni. Bâ ambeni mara ti atënë so apeut ti buba siriri ti congrégation:

• Ti pika kate ahon ndö ni. A yeke tënë so mbeni zo atene ti gonda na terê ti lo, so apeut ti pusu amba ti lo ti sara mandako na lo nga ti sara bê na terê ti lo.—aPr 27:2

• Atënë so ayeke tâ tënë ape. A yeke pëpe mbeni tënë so angbâ gï na ndö ti mvene me andu nga atënë so a tene ni na mbana ti sara sioni na zo. Même gï mbeni kete tënë ti mvene apeut ti sara si zo ayeke na confiance na e ape nga ayeke buba iri ti e.—Zo 10:1

• Sioni kpere-kpere. A ye ti sara tënë ti atënë so ayeke tâ tënë ape so ambeni zo ayeke tene na ndö ti amba ti ala wala ala yôro yanga ti ala na yâ ti atënë so abâ ala ape (1Tm 5:13). A peut ti ga na papa wala ti ga na kangbi

• Sarango tënë na ngonzo. A yeke atënë so e tene ti fa asentiment ti e sân ti sara hange na ni nga e sara ni na lê ti ngonzo na mbeni zo so ason bê ti e (aÉp 4:26). A peut ti sara sioni na zo.—aPr 29:22

Zia VIDÉO “Zi” aye so ayeke buba yâ ti siriri—Kete mbage ni. Na pekoni hunda tënë so:

• Nyen la e manda na ndö ti lege so tënë ti yanga ti e apeut ti buba hio siriri ti congrégation?

  Kiringo tënë ti mo

Ti bâ tongana nyen la siriri akiri na popo ti aita ni bâ vidéo “Gi siriri, na mo tomba peko ni.”