Ngbâa be-ta-zo so ayeke sara ye na ndara ayeke mû na e kobe “na ngoi ni so alingbi,” ye so afa so Jéhovah, so ayeke fa lege na ngbâa ni ahinga ye so e yeke na bezoin ni na lege ti yingo (Mt 24:45). Ambeni ye so afa so tënë so ayeke tâ tënë ayeke akota bungbi ti e ti lango ota nga na abungbi ti milieu ti yenga.

BÂ VIDÉO RAPPORT TI KOMITE TI FANGO YE TI 2017, NA PEKONI KIRI TËNË NA AHUNDA SO:

• Zo wa la a lingbi e gonda lo ndali ti akota bungbi so e yeke sara so atï na ngoi ni? na ngbanga ti nyen?

• Na ngoi wa la kua ti lekengo mbeni kota bungbi ayeke to nda ni?

• Tongana nyen la a yeke soro atënë so kota bungbi ni ayeke luti na ndö ni?

• Kua ti lekengo akota bungbi andu akua wa?

• Tongana nyen la a sara kua na akode ti mandango ye so a yeke fa na ekole ti Galaad ti sû na aye so e yeke manda na bungbi ti milieu ti yenga?

• Tongana nyen la andokua nde nde ayeke sara kua maboko na maboko ti leke mbeti ti bungbi?

Tënë ti bê ti mo na ndö ti aye so Jéhovah amû na e ti kpengba mabe ti e ayeke so wa?